Lal Isua Kawrmawi

Tun tuma zir tura kan thlan chu Johana 19:23-24 hi a ni.

Johana 19:23 24

            Tin, sipaiten Isua chu kraws-a an khenbeh zawh chuan a silhfente an la a, phel liah an siam a, sipaiten phel khatin an chang \heuh va; a kawr an la bawk a. Kawr chu \hui loh kawr a ni a, a nghawng ata a pumin tah vek a ni; chuvangin anni chuan, “I pawt thler suh ang u, tu ta ber tur nge \hum I vawr zawk ang u” an inti a. (Pathian Lehkha thu, Ka silhfente an insem a, ka kawr atan \hum an vawr a” tih a thlenna turin). Chung thil chu sipaiten an ti a. (Sam 22 :18)

Lal Isua Kawrmawi chu

            Lal Isua thawmhnaw hi Luka 23:8-11-a kan hmuh ang chuan Heroda leh a hoten amah tiel nan an hak tir a ni a. Pilata kiang a lo thlen khan kawr man to leh tha tak mai (purple nge scarlet) an hak tir a. Tin, Johana 19:5 ah chuan Pilata hote hian hlinglukhum leh puan sen duk an sin tir bawk a. Chumi anih avang chuan a kawr hak chungah hian puan sen duk an sintir niin a lang.

            He thuiloh kawrfual hi hminglem an pe a, Kawrfual thianghlim, Chawimawina Kawrfual (a dang te Holy Tunic, Chiton of the Lord). Cathedral Of Trier emaw, Argenteuilah  emaw, Eastern orthodox Kohhranah an dah niin an sawi bawk. He kawrfual hi a quality a sang hle a, zirmi te chuan puithiam Lalberin a hak thin ang kha a ni e an ti a. Engpawhnise khawvel mi ropui te ang lo takin Lal Isua kawr chu chhui zui tham a tling tlat.

            Juda ho inthuam dan tlangpui chu lukhum te, pheikhawk te, chiton (hei hi a kawrfual niin a lang), outer garment, girdle te an ni. Sipai pali an awm niin a lang a, a inthuamna kha panga a ni si a. A thawmhnaw dang pali te kha an han insem diat diat a, tichuan a pangana \hui loh kawrfual erawh kha chu insem hleihtheih a lo ni ta lo. Han tan chhumin an indaih turin han siam dawn se thil hmantlak lohah an chhuah mai dawn si. Tichuan \hum an vawr ta. Pawhthler a insem ai chuan , “I pawt thler suh ang u, tu ta ber tur nge \hum I vawr zawk ang u” an ti ta.    

|humvawr leh Bible

            Thuthlung Hluiah hian vawi 70 lai mai \humvawr tih hi a awm a, Thuthlung tharah vawi 7. Chutiang zat zat a awm lai chuan eng hmanrua ber nge an hman tih erawh chiang takin Biblein a sawi diat diat lo a. An hmanraw hman ber chu thing suihmam (polished stick) te, pawisa thir (coin), card, dice, saruh (bones)  leh lung (stones),etc te an ni a. He \humvawr awmzia chu ‘Duhsak zawng nei lo a rorelna, Pathian inrawlhna a ni e’ an ti. (Tirh 1:24-26, Jos 14-21)  (I Chro 24:5, 31, 25:8-9, 26: 13-14)(Jos 18:6-10, I Chro 24:5,31) (Lev 16:8, Thuf16:33,18:18 Tirh 1:24-26)

Bible pawn lam

            He Lal Isua kawrfual hian chanchin a ngah nangiang mai. 1942 ah khan Lyod Douglas, Lutheran puithiamin novel ropui tak mai The Robe tih a ziak a, \humvawrnaa tel ve Marcellus Gallioa chungchang a ni. Isua kawr changtu a ni a, vanduaithlak takin chu kawr chu a sal Demetriusa, amah kalpuituin a rukbo sak hlauh. He sal hi Lal Isua Jerusalema ropui taka a luh hmu tu leh rei lo tea amah zui ve duh tu a ni nghe nghe a.  Chumi avang chuan thuneitu ten an tiduhdah a, Lal Isua zuitute leh Lal Isua kawr kha zawng chhuak leh turin an tir liam nghe nghe a ni. Marcellusa hian Lal Isua \hui loh kawr chang tura thum an vawra a chak ber khan a rilru ah hreawm a awm tlat a. Khenbeh ni a lo liam a, Lal Isua kawr chu pho ro an tum a, chutih lai chuan Demetriusa chuan Lal Isua kawr chu a ruk chhuah sak a, a tlan bo ta a ni. Marcellusa chuan Demetrius a chu thuneitute thupek angin a zawng a, a hmu ta ngei a, Lal Isua kawr chu hal ral turin thu a pe a, mahse an khawih mai kha kha kawr avanga Rom sipai ho a hlauhna a bo ta vek mai. Tirhkoh Petera nen an intawng a,a tawi zawngin Rom sipai ho kha a hneh a. A lo piangthar ta a ni.

A chhehvel

            Lal Isua chu thihna lam panin lungngaihna vawrtawpah a awm mek a.  Lal Isua ke bulah, Kross bulah sipai ho te chuan game an khel a ni. A kawr kha an duh em em niin a lang a, chan loh kha an hlau hle. Kalvari tlangah khan tlawmngaihna in hmun a chang lo a, nang zawkin le tih aiin an neih theih dan tur an ngaihtuah \heuh.

Game khel thalaite

He Kalvari tlanga game ropui tak hian ringtuten rawngbawlna kan thlir dan leh Lal Isua kan zuina, ringtu nun kawng hrim hrim pawh hi a tarlang mai lo maw. Rawngbawltute hi midang aia tlatlum deuh, mi dang aia \ha deuh, mi dang aia che \ha deuh nih kan duhin kan chak ve fo \hin. Chutiang thil kan neih theihna tur atan chuan tih hreh kan nei lo a ni mek em? Mahnia chhan fel chi a ni ngei ang. Mahni chanchin sawi nuam ti \halai hruaitu a nih theih. Tin, amah kan zuina kawngah keimahni nawmna lam kan awn nasa hle tawh a ni lo maw. Social gospel leh prosperity gospel a lo lar tak viau hnu hian Krista Kraws, a hreawmah pawh put tih lam hi kan awn vak ta lo em ni a tih theih ang.

Isua nge a kawrmawi

            Kan inpel suau suau a, kan inngaisang lo tawn a, kawrmawi kan duh \heuh a, kawrmawi an chan lohna turin midang pet thlak kan duh a, kan kawrmawi chang tur min dangtu an awm a nih hlauh chuan pet thlak kan tum a, kan hlawhtling \hin bawk. Mahse chu chuan huho rawngbawlna leh mimal thlarau nun a vaw vat \hin. Kawra hmanga in awi lunglenga Isua thawmhnaw inbela Amah nena inpawlna nung nei reng reng lo hi a awm theih viau ang a, Isuan ‘An lawmman an hmu zo tawh’ tia a sawi te zingah khan tel a harsa miah lo ang.

Apostol te hnungzuiin          

            Apostol te rawngbawlna innghahna laimu chu Isua Krista a ni ringawt mai. A kawr mawi lam an buaipui hman lo. ‘Ka lo lang mawi ve teh mial ang a’ an ti ngai lo. Tunlaia politician \henkhat ten an lanmawina atana Kohhran a kawra an hmang ang hi a ni ve lem lo. Krista tan chuan in te, ram te, nihna te, anmahni nun ngei pawh chan an huam a, khawvel hmaa an mawi ve na tur pawh engkim chan huamin Lal Isua an zui tawp mai a ni.

Tlipna

            Rom sipai hoin a thawmhnaw an duh ang mai hi a nih ve theih khawp ang. He khawvel lo danglam zelah Lal Isua kan zuina kawngah amah Lal Isua nen inpawlna tak tak nei lem lo hian a thawmhnaw, mi hmuha kan mawi ve theih deuhna tur te hi kan lo duhtawk lek mai ang tih te pawh ngaihtuah tham a lo ni ta. India ram leh ram dang ah pawh a ni thei e, an \awng\ai avangin an tuar a, Bible an ken avangin an tuar a, Kristian an nih avangin khawtlangin an thinhrik a, Biak ina an awm in hlau reng rengin an awm bawk a, tuithlar hialin an awm. Mahse Isua an lawmman a ni tih an chiang em a, a kawrmawi lam an buaipui hman lo! A taksa, Amah duh thleng pha tak tak lo tan chuan a kawr vel buaipui vel mai mai loh nakah. Chu rawngbawlna chu a behbawmah a zo a, mi ten ei tur tak tak an hmu lo.